Tit 3 | GbrGAW | STEP | Pa oho aza ɓa vi abegyi yi ɓo n na atukwodayi vinya, ɓa zhin n shiri yi zhin ɓa zhin aɓo manayi.

Titus 3

Ɓepa N Pmagna Yi

1 Pa oho aza ɓa vi abegyi yi ɓo n na atukwodayi vinya, ɓa zhin n shiri yi zhin ɓa zhin aɓo manayi. 2 Ɓa to da ɓeda nukwoyi n zaho-zahoi tukwon, kwo ɓa wu anyan ama ɓa zhin peceiye ɓai zhin ɓemana n aza ba vinya.

3 N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.

4 Ama shi esa ɓe la si n Shekwoyi eyi Gniyi ɓei wuyi owo alheri n ye-yei. 5 Wa gniyi, tu ntuge n eyi ɓemana zhin ɓo nu wa gni yin, ama ntu n wo alheri ɓo n sun-sungye yi, wa zhan yi alaifiya, wa gayi agmada Zafun Gyi-gyi-yi nya n yi abugbami. 6 Nwa zeya kpe yi ntu nya ɓo n Yesu Kristi wa zhin nyi. 7 Nnabai n wo ɓa yi yi aza manayi n wo abye ntu n wo alheri ɓo, nsaiye yi n roboi lo dna n wo anyabwa wye-wyeyi nya n wa gayi nyi, n yi zhi yi pmi ya gwo nyi. 8 – 9 A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi. 10 N oza ho ɓelo n ajegnayi nfye mi, fya gnakniwo a bwa aba, Ndeye avun fyeto shan efye anuwan gye n woi n. 11 Fye kpe ge oza deye wo la pmiya n gaiciya, wo zhin laifinu, woi kpe.

12 Mi zhin shiri lo ma tnu n Artimas yi kwo Tikikus, n ho aba. Esanu n Zaknayi n ɓa mi waɓe ha zhin atna ɓa ɓe dami n Nikobolos n pye, gama mi ku shaula zhin ma Izhin vinyikwo dna ɓo. 13 Zhin nya n ho ɓa mi ha bma Zinas zhin, Owa-yekpei-n Apolos yi n ɓa zan, to ɓa gyi nyaho san n zokwon. 14 Gama tilas eyi aza ɓa tumwi ɓa bma aza zhin n ɓa kunce a bma ɓa zhin, nɓa wye-wyeyi ɓa zhin ampanyi.

15 Aza vinya n ya tnu fyelo n ɓa gnaɓiyi. Ɓi a Yesu viyi gna gami n ɓo Shekwoyi anabarka ɓa kunsun n fyeyi.